amalinks wokungena

Breaking News

Izizalwane ZeZimbabwe Ezedlula 158 000 Zidinga Ubuphepheli Kwamanye Amazwe Nyakenye- UNHCR


Uhlangothi lwe United Nations olubona ngezeziphepheli emhlabeni jikelele i United Nations High Commissioner for Refugees i UNHCR lwethule umbiko oveza ukuthi eleZimbabwe lilezizalwane ezinengi ukwedlula amazwe onke emhlabeni ezidinge ubuphepheli kwamanye amazwe nyakenye ngemva kokubunjwa kukahulumende womanyano.

I UNHCR ithi izizalwane zeZimbabwe inkulungwane ezilikhulu lamatshumi phose ayisithupha-158, 200 zidinge ubuphepheli kwamanye amazwe agoqela i South Africa, eleBhilithane, eleMelika lamanye, laloba elizweni besekubunjwe uhulumende womanyano.

EleZimbabwe yilo elisemqongweni lilandelwa ngamanye amazwe athi ele Myanmar le Eritrea. Igqwetha elilwela ilungelo loluntu elike lasebenza lenhlanganiso yeZimbabwe Exiles Forum , uNkosazana Anna Moyo utshele uBrenda Moyo weStudio7 ukuthi kusese kunengi okwenza izizalwane zeZimbabwe zingahlaliseki elizweni lazo.

‚Äč
XS
SM
MD
LG