amalinks wokungena

Breaking News

Izizalwane zeZimbabwe Ezihlala Phandle Kwelizwe Zithi Akulamehluko Elizweni


Intuba yomgwaqo, itollgate

Izizalwane zeZimbabwe ezihlala kwamanye amazwe ezethekelele ekhaya ngesikhathi sekhefu leKhisikumi zithi zijabuliswe yikungabikhona kwama road blocks emigwaqweni.

Kodwa abanengi bathi ababonanga mehluko njengoba umnotho welizwe ulokhe usiya nganxele, intengo yempahla etshiyeneyo ikhuphuka nsukuzonke lemali layo ingaktholakali emabhanga.

Isizalwane seZimbabwe esihlala eSouth Africa, uMnu. Dennis Juru, owenhlanganiso ye-International Cross Border Association utshele iStudio 7 ukuthi abahlala kulelolizwe abayanga ngobunengi ekhaya ngoba abanye balungisisa amaphepha abo okuhlala kulelolizwe okusemthethweni.

UJuru uthi indwendwe ezibonakale emngceleni wamazwe omablili ibingayisiyo yokuthi kulabantu abanengi abaya eZimbabwe bevela kwele South Africa kodwa bekuyikwehluleka kwabasebenza emngceleni lo.

“Iqueue ibifika eMessina kodwa bekuyi problem ye ZIMRA ngoba isystem ye ZIMRA ibi slow kakhulu,” kutsho uJuru.

Uthi abanengi eSouth Africa bacine bethumela impahla ekhaya kulokuya khona.

UJuru uthi abantu abakabi lethemba ngohulumende omutsha.

“Abantu bayakwazi ukuthi uMnangagwa nguye umuntu obesebenza loMugabe."

Facebook Forum

XS
SM
MD
LG