amalinks wokungena

Breaking News

Jackson: Ukhetho Kumele Luqhutshwe Ngokuthula


Jesse Jackson
Umfundisi weMelika odumileyo uReverend Jesse Jackson uthi uhulumende kumele aqhube ukhetho oluzayo ngokukhululekileyo njalo kungela dlakela.

UMnu Jackson, yena ophakathi kokwethekelela eZimbabwe, uhlangene loMongameli Mugabe ngoLwesibili bakhulumisana ngokutshiye-tshiyeneyo okugoqela ubudlelwano beZimbabwe leMelika.

Uthe umhlaba wonke uzabe ukhangele ukhetho oluzayo ngamehlo abomvu, esithi lolukhetho lungaqhutshwa ngokuthula, abamabhizimusi abavela kwamanye amazwe balakho ukuzevula amabhizimusi abo elizweni.

UReverend Jackson uhlangane njalo lenhloko kahulumende uMnu Morgan Tsvangirai kweleSouth Africa ngempelaviki.

UJackson wazakala kakhulu ngokulwela amalungelo oluntu kanye lokulwisana lombuso obuncindezela abensundu eminyakeni edluleyo eMelika.

Ingcwethi kwezombusazwe njalo engumgcinisihlalo weNANGO, uMnu Effie Dlela Ncube, uncome kakhulu amazwi kaJackson.
please wait

No media source currently available

0:00 0:02:18 0:00
Lapho esitholakala khona
XS
SM
MD
LG