amalinks wokungena

Breaking News

Bazonde Bagan'unwabu Abalandeli Baka Zuma Asebetshisa Izitolo, Izimota Lokunye


Imoto enkulu etshiswe ngabantu abafuna kukhululwe uMnu. Jacob Zuma, ovalelwe entilongweni. (Reuters)

Sebevuke eseganga abalandeli baka Mnu. Jacob Zuma, owayengumongameli wakwele South Africa ovalelwe entilongweni.

IReuters, iAssociated Press lomsakazo weSouth African Broadcasting Corporation zibika ukuthi abantu batshisa amabhasi, izimota, izitolo Kwazulu Natal, eJohannesburg lezinye indawo besithi kumele uzuma akhululwe entilongweni.

Kubikwa ukuba abanye lokhu beqhubekela phambili bevimba emigwaqweni emikhulu njalo betshontsha impahla ezitolo.

UZuma uvalelwe entilongweni eyeEscourt Correctional Services Center lapho akhangelelwe ukuba uzapika inyanga ezilitshumi lanhlanu.

Ugwetshwe yinkantolo yeConstitutional Court ethi wadelela umthethwandaba ngokwala ukuyamiswa phambi kwekhomishini ehlolisisa amacala obukhohlakala awetheswayo.

Omunye wabadla amalahle ngokubotshwa kuka Zuma nguNkosazana Philisiwe Zondi, ohlala ePeitermarizburg, othi bekungamelanga avalelwe entilongweni.

Lokhu kusekelwa nguMnu. Ntuthuko Mdletshe laye uthi kwephula inhliziyo ukuvalelwa kuka Zuma.

Kodwa uMnu. Believe Gaule, okubandla leZanu PF, uthi bekumele uZuma ajeziswe ngemfanelo.

Kukhangelelwe ukuba umthethwandaba weConstitutional Court uzakwethula isinqumo sawo ngesicelo sika Zuma esokuthi kumele akhululwe.

Badla Amalahle Amalandeli Baka Zuma
please wait

No media source currently available

0:00 0:02:15 0:00


Facebook Forum

XS
SM
MD
LG