amalinks wokungena

Breaking News

MDC-T: I-Door-To-Door Campaign Incedisa Kuhlelo LweJUICE

  • Sithandekile Mhlanga

Uhlelo lolu, osolwenziwe kwezinye izigaba zelizwe, luzagqitshwa ngoMgqibelo eMatabeleland North

Icele le MDC elikhokhelwa nguMnu. Morgan Tsvangirai lithi uhlelo lwalelibandla lokukhuthaza abantu ukuthi belivotele olwe Door-to-Door Campaign soluncede ukuqoqa uluhlu lwamagama abantu abangasebenziyo elizweni abazadinga ukuncediswa phansi kohlelo lwalelibandla lokubumba imisebenzi engaba yisigidi esisodwa ngomnyaka ka 2018.

Ibandla leli lisungule ngokusemthethweni loluhlelo koBulawayo ngolweSithathu, lapho iziphathamandla zalelibandla ezigoqela uNkosazana Thokozani Khuphe loMnu. Lovemore Moyo ezikhuthaze abantu ukuthi bevote ngobunengi babo.

Uhlelo lolu, osolwenziwe kwezinye izigaba zelizwe, luzagqitshwa ngoMgqibelo eMatabeleland North.

Ibandla leli lusungule uhlelo lokubumba imisebenzi olwe Jobs, Upliftment, Investment, Capital and Environment (Juice) ngomnyaka odluleyo.

UMnu. Abednico Bhebhe, umsekeli kamqoqi wenhlelo zalelibandla utshele uSithandekile Mhlanga weStudio 7 ukuthi kuqoqwa amabizo abantu bonke abangakatholi imisebenzi, ingqe bekuliphi ibandla.

please wait

No media source currently available

0:00 0:02:34 0:00
Lapho esitholakala khona
XS
SM
MD
LG