amalinks wokungena

Breaking News

John Mangudya: Lingathengi Impahla Ngobunengi Bazo Ngoba Yikho Okubangela Ukuthi Zisilele


Usibalukhulu weRBZ, uDr John Mangudya

Uhulumende uthi abantu yibo ababangela ukusilela kwempahla ngoba bezithenga ngobunengi bazo njalo bezifihla, besesabela ukuthi abayikuzithola kusasa.

Lanxa usibalukhulu webhanga elikhulu eleReserve Bank of Zimbabwe uMnu.John Mangudya esithi uhulumende usethengile amafutha ezimota awepetrol, inengi lithi lokhu akubonakali ngoba kulokhu kulendwendwe abantu bewafolela.

UMnu. Mangudya wethule umbiko oveza ukuthi uhulumende usebenzise imali efika amadola ayizigidi ezingamakhulu amahlanu amadola-500 million dollars eyokuthenga amafutha la, ingqoloyi, kanye lamafutha okupheka, okungezinye zempahla ezisilelayo elizweni.

Ngalokho, uhulumende uthi abantu yibo ababangela ukusilela kwalezimpahla ngoba bezithenga ngobunengi bazo, bezifihla, besesabela ukuthi abayikuzithola kusasa. Imithi ezibhedlela layo iyasilela.

Kusenjalo, ibandla leMDC elikhokhelwa nguMnu. Nelson Chamisa lethule umbiko lisithi kufanele uMnu. Mangudya, umphathintambo wezemali uMnu. Mthuli Ncube, umongameli Emmerson Mnangagwa, labanye babo betshiye umsebenzi ngoba sebehlulekile ukuvuselela umnotho welizwe.

Umanyano wenhlanganiso ezizimeleyo owe Civic Society organizations (CSO’s), lawo uthi uMnu. Mangudya kufanele atshiye umsebenzi ngoba wathembisa ukuthi uzakwenza lokhu imali ye bond note ingatshiyana lesisindo sedola yeMelika, okuyikho ingcwethi ezicubungula ezomnotho welizwe ezithi sokwenzakele.

Isikhulumeli seMDC uMnu. Jacob Mafume, onguye owethule umbiko webandla lakhe uthi kusobala ukutih ibandla leZANU PF alisoze ligcwalise izithembiso elazethulela abantu kugwalo lweManifesto yalelibandla ngoba lalivele lisenga lezimithiyo.

Kusenjalo, sixoxe loMnu. Thamani Ncube, usomabhizimusi ohlala eMadlambuzi ePlumtree, ukuze sizwe ukuthi kwenzakalani emaphandleni ngaloludaba.

UMnu. Ncube uthi sebesehlisa intengo yempahla ukwenzela ukuthi abantu bethenge, kukanti bayehluleka ukuwoda eBotswana ngokusilela kwemali yakwamanye amazwe.

please wait

No media source currently available

0:00 0:02:19 0:00

Ukuhlaziya ingxabangxoza ekhona kwezomnotho elizweni, sixoxe lengcwethi ecubungula ezomnotho welizwe uMnu. Benard Bhekilizwe Ndlovu, yena ogcizelela ukuthi kufanele uhulumende achasisele kuhle abantu inhlelo zakhe ukwenzela ukuthi bezizwisise.

please wait

No media source currently available

0:00 0:03:34 0:00

Facebook Forum

XS
SM
MD
LG