amalinks wokungena

Breaking News

Jonathan Moyo: SADC le AU Thumelani Iqula Liyocubungula Ukuthi uMugabe Wahluthunyelwa Umbuso Njani


UMnu. Jonathan Moyo
UMnu. Jonathan Moyo

Owayengumphathintambo wezemfundo yaphezulu, uMnu. Jonathan Moyo uthi kulakho ukuqhamuka umvukela eZimbabwe njalo kumele amazwe omhlaba acubungule ukuthi uMnu. Robert Mugabe waskuka njani esihlalweni.

Ekhuluma lomsakazo we SABC ngoLwesibili, uMoyo, ongaziwayo ukuthi ukweliphi ilizwe uthi konke okwaziwa ngokusuka esikhundleni kuka mugabe kuvela kulabo abamsusa esihlalweni.

UMoyo ulandule ukuthi angaba elokwenza lomvukela akhuluma ngawo kodwa wathi uyeza umvukela ngoba ababusayo abangena esikhundleni okusemthethweni. Wethese umanyno we SADC icala lokunganakekeli izfiso zikazulu.

“Kumele iSADC ilalele ilizwi likazulu weZimbabwe kunye lalabo abahlukuluzwa ngesikhathi kuhluthunwa umbuso eZimbabwe. Uzulu uthi indlela eyodwa yokubandulula uhulumende yikuthi kuthunywe iqula elizacubungula ngokwenzakala kuhluthunwa umbuso,” kutsho uMoyo.

ISADC le AU zithi uhulumende okhona usemthethweni ngoba wathatha intambo ngokuthula kulandelwa isisekelo sombuso welizwe.

Kodwa uMoyo uthi lokhu akusiloqiniso ngoba uMugabe, owayekhethwe nguzulu kukhetho kazisukelanga esihlalweni kodwa wasuswa ngamandla.

UMnu. Robert Mugabe kazake akhulume ukuthi kahle kahle wasuka njani embusweni.

Ngenyanga ka Lwezi nyakenye amasotsha avalela uMugabe endlini uzulu wangena ezitaladeni etshengisela kwalandela ibandla le Zanu PF lanquma ukuba usesuswe esikhundleni sokukhokhela ilizwe.

Idale lephalamende lathi seliphakathi kohlelo lokumsusa esihlalweni wahle wathumela incwadi yokutshiya umsebenzi.

Kodwa uMoyo uthi uMugabe kazange akhethe ukusuka engabanjwanga amandla.

Ukuhlaziya loludaba sixoxe lengcwethi ecubungula ezombusazwe, uMnu. Max Mkandla.

please wait

No media source currently available

0:00 0:02:55 0:00

XS
SM
MD
LG