amalinks wokungena

Breaking News

Kaliqalanga Kuhle Iqembu Elimela iZimbabwe Emdlalweni Kakhilikithi


Zimbabwe Women's Cricket Team

Emdlalweni kakhilikithi, iqembu labesifazane elimela ilizwe leZimbabwe, ele Lady Chevrons, liqale kubi umkhankaso walo owokulwisa ukuyadlala emidlalweni yezizwe zomhlaba njengoba linqotshwe ngama runs ayithoba minwe mbili ngele Thailand emdlalweni walo wakuqala kusibaya sika Group B ngeSonto.

Komunye umdlalo wesibaya sika Group B iqembu le Bangladesh linqobe ele Pakistan ngama wickets amathathu.

Imidlalo iqhubekela phambili ngoLwesibili njalo kusibaya sika Group B iqembu le Bangladesh lizadlala lele United States of America kuthi ele Pakistan lizadibana lele Thailand.

Imidlalo yesibaya sika Group A izadlalwa ngokulandelayo. Iqembu le Netherlands lizadlala lele Sri Lanka kuthi ele West Indies lizangqikilana lele Ireland.

Ele Zimbabwe lona lizabe liphumula ngoLwesibili ikanti iqembu lesihlanu kusibaya sika Group A bekumele kube ngelase Papua New Guinea lona elingasabuyanga ngoba abadlali balo abanengi betholakale belomkhuhlane we Covid – 19 lingakaphakami ukuza kwele Zimbabwe lapho okuqhutshelwa khona limidlalo.

Facebook Forum

XS
SM
MD
LG