Selokhu imali yohlobo lwama bond coins yasungulwa ngomnyaka ka 2014 ilokhu ilesisindo esilingana lesedola lemelika osekubangele abanye abasekela ukusungulwa kwayo ukuthi bathi imali yohlobo lwama bond notes esizethulwa layo izasebenza kuhle njengama bond coins.
Ama bond notes akhanelelwe ukuqala ukusebenza ngenyang ezayo uhulumende esithi leli linyathelo elikhangelelwe ukuphathisa uzulu ngokusilela kwemali njalo labafuna ukuthenga lokuthengisa impahla.
Ingcwethi kwezomnotho zithi kuzakubanzima ukuthi imali yama bond notes ihlale ilesisindo sedola lakweleMelika ngoba kungela mpahla ezilungiswayo elizweni zithengiselwa amanye amazwe.
Usomabhizimusi wako Bulawayo, uMnu. Albert Mhlanga utshele iStudio Seven ukuthi imali yama bond coins iyamukelwe ngoba ibisiphathisa ekutholeni intshintshi kodwa nxa ingaba ngama notes uthi kaboni iphumelela.
"Ngoba ungananzelela okukhulunywa ngu gavhena we Reserve Bank kwesinye sikhathi asikho okwenzakala emphakathini ngoba ungakhumbula ngomnyaka si introducer okuthiwa yi multi currency i minister engathi wa introducer kodwa abantu ku ground basevebevele bele multi-currency," kutsho uMhlanga.
