Omunye okhankasela usekelo kubandla lakhe lamaDemocrats ukuthi ancintise kukhetho lokudinga umongameli ngomnyaka ozayo, ngusodolobho we Indiana uMnu. Pete Buttigie, oyisitabani sesilisa.
UMnu. Buttigie, oleminyaka engamatshumi amathathu lesikhombisa-37, kabufihli ubutabane bakhe njalo utshadile lomunye owesilisa.
UMnu. Joe Biden, owayengumsekeli kamongameli Barack Obama, kanye losenator Ben Sanders we Vermont yibo abakhokhelayo kulumncintiswano ngokulandelana kwabo. Ozanqoba kukhetho lwama primaries ama Democrats, uzancintisana lomongameli Donald Trump, owebandla lamaRepublicans, odinga ukuqedisa isigaba sesibili sombuso wakhe, i second term.
Ezinye inhleleo zika Mnu. Buttigieg zibalisa ukubhidliza uhlelo lwe electoral college, ukulondoloza ezemvelo, kanye lokuthi abantu abayizitabane bengabandlululwa.
Kuhlandla lesithathu esilethulela lona khonapha emsakazweni westudio 7, sihlaziya loludaba, silengcwethi ecubungula ezombusazwe uMnu. Dumaphi Mema, yena esiqale nogkumbuza ukuthi kambe eleMelika lingamemukela umongameli oyisitabani.
