Omunye okhankasela usekelo kubandla lakhe lama Democrats ukuthi ancintise kukhetho lokudinga umongameli ngomnyaka ozayo ngo2020, ngusenator Kamala Harris, weCarlifornia, oligqwetha, njalo engowesifazane onsundu, oleminyaka engamatshumi amahlanu lane-54.
UMnu. Joe Biden, owayengumsekeli kamongameli Barack Obama, kanye losenator Ben Sanders we Vermont yibo abakhokhelayo kulumncintiswano ngokulandelana kwabo. Ozanqoba kukhetho lwama primaries ama Democrats, uzancintisana lomongameli Donald Trump, odinga ukuqedisa isigaba sesibili sombuso wakhe, i second term.
Ezinye inhleleo zikaSenator Harris zigoqela ukuthi abafunda ekolitshini abalabazali abaleholo eliphandi bengakhuphi imbadalo yezifundo zabo. Kuhlandla lapho esihlaziya abancintisa kulokukhetho, sixoxa ngaloludaba, silengcwethi ecubungula ezombusazwe uMnu. Dumaphi Mema.
