amalinks wokungena

Inhambo Zika Mugabe Ziphathisa Ngani iZimbabwe?

  • Chris Gande

UMongameli Robert Mugabe

UMongameli Robert Mugabe, obengekho elizweni ese Singapore lapho okuthiwa ubehlolwa khona ngabodokotela, uphendukile emadabukakusa ngeSonto kwathi litshona ubese sukile njalo elubhekise kwele Ghana ukuyathakazelela ilanga likazibuse wakulelolizwe.

Abanye sebethandabuza ukuthi kungani uMugabe engasahlali phansi alungisise indubo ezihlasele ilizwe.

Kuzokuba njalo lemibuzo ethi imali ayisbenzisa ukuphapha umhlaba wonke kungani ingasetshenziswa ukuphathisa abadilizelwa izindlu lizulu kumbe abaswelayo.

Ilunga lebandla le Zanu PF, uMnu. Joseph Tshuma, utshele iStudio 7 ukuthi uMugabe ulelungelo lokuya emazweni atshiyeneyo ngoba uyabe esemsebenzini.

"Lokhu kuyamangalisa ngoba nangu ubeye ku-review usebuyela emsebenzini kodwa abantu sebekhala futhi," kutsho uTshuma.

Ngomnyaka ophelileyo, uMugabe wethekelele amazwe angamatshumi amabili lantathu, 23, okwabiza imali eyizigidi lezigidi zamadola.

Ukuhlaziya loludaba sixoxe lengcwethi ecubungula ezombusazwe, uMnu. Brilliant Mhlanga, othi abaseduze laye uMugabe yibo abafuna ukubhodabhoda betshaphaza imali.

"Into leyi eyenzakelyo sokumele siyikhangele ngelinye ilihlo. UMugabe nxa ehamba kumazwe wonke wonala awahambayo uhamba lequla elikhulu, abantu laba yibo aba benefithayo nxa ngingakufaka ngesilungu," kutsho uMhlanga.

Facebook Forum

XS
SM
MD
LG