amalinks wokungena

Breaking News

Kambe Kukhona Na uMnangagwa Azaphenduka Ekuphethe kweleUK?


Climate COP26 Summit

Iziphathamandla zikahulumende ezigoqela isikhulumeli sikaMongameli Emmerson Mnangagwa, uMnu. George Charamba, zithi ukuhlangana kukaMnangagwa lenkokheli yamanye amazwe emahlanganweni weCOP26 eScotland kutshengisa ukuthi uMnangagwa uyenelisa ukulungisisa ubudlelwano beZimbabwe lezizwe zomhlaba.

UMnangagwa ube ngumkhokheli weZimbabwe wakuqala ukulugxoba kweleBhilithani eminyakeni engamatshumi amabili edluleyo ngemva kokwetheswa kwakhe izijeziso zenotho kanye lomuyi uMnu Robert Mugabe.

Uhambo lolu luza ngemva kokuba isithunywa seUnited Nations, uNkosikazi Alena Douhan, ethule umbiko othi izijeziso ezetheswa amalunga eZanu PF yiBhilithani leMelika kumele zesulwe.

Lanxa uMnangagwa ebethe uzahlangana lomkhokheli weBhilithani uMnu Boris Johnson, imbiko ephume izolo ibisithi lokhu kulakho ukungenzeki.

Kodwa uMnangagwa uhlangane lomphathintambo obona ngobudlelwano beBhilithani lamazwe aseAfrica uNkosikazi Victoria Graceford kanye lomkhokheli weEuropen Council uMnu Charles Michel.

Lanxa abanye besithi akulalutho olubambekayo olungaba luphume kulimihlangano uMnangagwa angabuya eluphethe, ohlaziya ezombusazwe uMnu Anglistone Sibanda uthi kungaba kukhona.

please wait

No media source currently available

0:00 0:02:52 0:00

Facebook Forum

XS
SM
MD
LG