Kulandela isinqumo sikahulumende esokuthi angcwabe kutsha ababhubha ngesikhathi seGukurahundi, abanye bathi ngabe uqala axolise andubana loluhlelo luqhutshwe.
Lokhu kulandela umhlangano osanda ukuqhutshwa ngumphathintambo kahulumende obona ngokwenzakala elizweni uMnu. Kazembe Kazembe kanye lenhlanganiso yeMatabeleland Collective.
UMnu. Kazembe ubikwa echasise ukuthi uhulumende useloba imithetho yoku ngcwaba kutsha ababhubha ngalesi isikhathi, wagcizelela ukuthi abangela ncwadi zokuzalwa ngenxa yeGukurahundi bazazithola lula.
Uhlelo lolu luzaqhutshwa yinhlanganiso yeNational Peace and Reconciliation Committee njalo uhulumende uthi usexoxisane lezinduna leyinye inkokheli yezigaba ngaloludaba.
Ukuhlaziya loludaba, sixoxa loMfundisi Anglistone Sibanda.
Siphinde saxoxa loMnu. Joseph Tshuma ilunga lebandla leZANU PF ukuze sizwe imbono yakhe ngaloludaba.