Ibandla leMDC-T elisanda ukukhetha uMnu. Douglas Mwonzora ukuthi abe ngumkhokheli walo emhlanganweni we extra-ordinary congress oqhutshelwe eHarare ngeSonto edluleyo lithi lilokhu lisamelele uNkosazana Thokozani Khuphe ukuthi emukele ukuba ngumsekeli kamongameli. Lithi njalo likhangelele ukuthi labo abaku MDC Alliance bebuyele kubandla leMDC-T bephatheke kukhetho oluzayo olokudinga umongameli welizwe bebambene.
Umhlangano we extra ordinaty congress ubikwa wawulodlakela, ikakhulu olwaluqondiswe kuNkosazana Khuphe, owayehola i-MDC-T ngaphambilini kwalolukhetho, yena othi kwakuloqilibezela njalo ogcizelele ukuthi usexotshe uMnu. Mwonzora kulelibandla.
Ukuhlaziya loludaba, sixoxa loMnu. Witness Dube, osanda ukukhethwa ukubayisikhulumeli seMDC-T endawonye loMnu. Benard Bhekilizwe Ndlovu, ingcwethi ecubungula ezombusazwe, yena oqala ngokusola athi ludlakela lenkethabetshabi eyayisemhlanganweni lo.
