amalinks wokungena

Breaking News

Kambe Liqiniso Ukuthi koBulawayo Bambalwa Kuphela Abalolwazi Lokwakha?


MRP Rainbow Hotel Demos
MRP Rainbow Hotel Demos

Kumaviki amathathu asanda ukwedlula kube lokutshengisela kwamalunga ebandla leMthwakazi Republic Party abesithi kulamabhasi amathathu abuye ko Bulawayo evela eHarare elezisebenzi ezizokwakha kutsha iwetela le.

Inkampani ye Rainbow Tourism Group ithi iswele abalolwazi abahlala koBulawayo abangakha kutsha iwetela ye Rainbow kulelidolobho. Kumaviki amathathu asanda ukwedlula kube lokutshengisela kwamalunga ebandla leMthwakazi Republic Party(MRP) abesithi kulamabhasi amathathu abuye ko Bulawayo evela eHarare elezisebenzi ezizokwakha kutsha iwetela le. Kwabotshwa amalunga alelibandla alitshumi lanye etshengisela.

Iziphathamandla zewetela zithi akusiqiniso okhulunywa yiMRP, njalo ngoMgqibelo odluleyo bezidinga abantu abangamatshumi ayisikhombisa abalolwazi lokwakha olufana lokuphanyeka uphahla, ukunamathisela ama tiles lokunye okunjalo kodwa kweza abantu abathathu kuphela abalolwazi lwakhona, abahlala koBulawayo.

Kodwa umkhokheli webandla leMRP, uMnu. Mqondisi Moyo uthi basakhulumisana lenkampani le ukwenzela ukuthi kuqhatshwe abantu bako Bulawayo hatshi abavela kwamanye amadolobho.

please wait

No media source currently available

0:00 0:04:31 0:00

XS
SM
MD
LG