Kuhlandla lesibili lapho esilethulela ezenzakala eMelika, sicubungula umkhankaso kaMnu. Bernie Sanders, owebandla lama Democrats, ophakathi kokuqoqa usekelo lokuthi akhankase kukhetho lokudinga umongameli walelolizwea ngomnyaka ozayo.
Engaphumelela kukhetho lwama primary elections awebandla lama Democrats, uzancintisana lomongameli Donald Trump owebandla lamaRepublicans, yena oyabe esedinga ukubusa okwesigaba sesibili, i second term yakhe.
UMnu. Sanders wanqotshwa nguNkosikazi Hilary Clinton kuma primary elections okhetho olufanayo olwedluleyo.
Ukuhlaziya loludaba, sixoxe lengcwethi ecubungula ezombusazwe uMnu. Dumaphi Mema, oyisizalwane seZimbabwe esihlala eDallas, eTexas, esiqale ngokumbuza ukuthi kambe uMnu. Sanders kasoze athwalisane amagabha avuzayo loMnu. Joe Biden webandla lakhe, laye oncintisa kusikhundla esifanayo.
