amalinks wokungena

Breaking News

Kambe Udaba lweGukurahundi Kufanele Luphathwe Njani Ukuze Lugqitshwe?


Mthwakazi Republic Party

Ilokhe iqhubeka ingxoxo-mpikiswano eqhamuke ngodaba lweGukurahundi enkundleni yebulenjini eye Twitter kulandela ukubotshwa kwamalunga ebandla le Mthwakazi Republic Party abanye besithi basola injongo yabo yokuthi isizwe sikaMthwakazi sehlukaniswe lelizwe leZimbabwe sizibuse..

Ilokhe iqhubeka ingxoxo-mpikiswano eqhamuke ngodaba lweGukurahundi enkundleni yebulenjini eye Twitter kulandela ukubotshwa kwamalunga ebandla le Mthwakazi Republic Party kuyonale inyanga, abanye besithi basola lelibandla ngokuthi lifuna isizwe sikaMthwakazi sehlukaniswe lelizwe leZimbabwe sizibuse.

Amalunga la, ayisitshiyagalolunye abotshwe kumaviki ambalwa edluleyo njalo icala abaletheswayo elokubangela udlakela likhangelelwe ukuthethwa kusukela mhlaka 31 kuyonale inyanga, ngesikhathi amagqwetha abamelayo elwisa ukuthi bekhululwe ngemali yesibambiso eye bail.

Babotshwa bephandle kwenkamba yamapholisa koBulawayo besola ababesithi yikuhlukuluzwa komkhokheli wabo uMnu. Mqondisi Moyo ngabacatshangelwa ukuthi ngamapholisa labezomvikela.

Ngemva kokubotshwa kwabo, inengi elalingelalwazi olujulileyo ngeMRP, ikakhulu elingaveli ezigabeni zeMatabeleland, lasola injongo yalo yokuthi kufanele isizwe sikaMthwakazi sehlukaniswe lelizwe leZimbabwe sizibuse.

Abanye bathi imbangela ludaba lweGukurahundi, okukhanya ingani abanye bayalusekela ngoba bengafuni kukhulunywe ngalo, lanxa bengekho kuhulumende webandla leZANU PF.

Abanye bathi ingxoxo-mpikiswano le isibavule amehlo kodwa abanye baqhubeka belweyisa loludaba ngendlela abaphendulana layo ngabanye besithi kufanele abantu bekhohlwe ngalo.

Asizweni ingxoxo esiyiqhube lomunye obelandela lingxoxo- mpikiswano uMnu. George Mkhwananzi, ingcwethi ecubungula ezombusazwe, ukuze sizwe imbono yakhe ngaloludaba.

please wait

No media source currently available

0:00 0:07:57 0:00


Facebook Forum

XS
SM
MD
LG