Kulokhe kungakacaci ukuthi uhlelo lokulotshwa kwesisekelo sombuso esitsha luzaqhubeka nini, lokuthi labo abazakuyathapha imibono kazulu bazaphuma nini ijumo.
Bekukhangelelwe ukuthi abakhokheli bamababandla womathathu abumba uhulumende womanyano athi amacele womabili awe MDC kanye leZANU PF alobelane isivumelwano esitsha sokuqhuba loluhlelo lenhlanganiso ephathisa ngemali eye United Nations Development Programme-UNDP.
Umhlangano lowo yiwo njalo obukhangelelwe ukuxazululwa udaba lwemali osolumise lolu hlelo.
