WASHINGTON —
Ukulokudonselana kuhulumende womanyano, ibandla le ZANU PF lisithi iphalamende ingachitheka ekupheleni kwenyanga ezayo, kufanele kuqhutshwe ukhetho ngoba kuyabe kungaselahulumende osebenza ngokusemthethweni, kodwa icele le MDC elikhokhelwa nguMnu. Morgan Tsvangirai lisithi kufanele kuqale kulungiswe okunengi okuhluphayo elizweni andubana kuqhutshwe ukhetho olukhululekileyo.
Lokhu kwenzakala isisekelo sombuso esitsha, ebesikhangelelwe ngamehlo abomvu ukuthi sizakwandulela ukhetho olukhululekileyo, sesamukelwe lidale lephalamende lele senate, njalo sokulindelwe ukuthi umongameli Mugabe alobe ibizo lakhe kuso ukwenzela ukuthi sibe ngumthetho welizwe.
Ukuze sizwisise ingcazelo ngaloludaba uSithandekile Mhlanga weStudio 7 uxoxe loMnu. Matshobana Ncube igqwetha, kanye loMnu Believe Gaule, isiphathamandla senhlanganiso yedale lephalamende ebona ngokulotshwa kwesisekelo sombuso esitsha eye- COPAC.
UMnu. Gaule usungula lingxoxo ngokusichasisela okwenzakala kuhulumende womanyano ngaloludaba.
Lokhu kwenzakala isisekelo sombuso esitsha, ebesikhangelelwe ngamehlo abomvu ukuthi sizakwandulela ukhetho olukhululekileyo, sesamukelwe lidale lephalamende lele senate, njalo sokulindelwe ukuthi umongameli Mugabe alobe ibizo lakhe kuso ukwenzela ukuthi sibe ngumthetho welizwe.
Ukuze sizwisise ingcazelo ngaloludaba uSithandekile Mhlanga weStudio 7 uxoxe loMnu. Matshobana Ncube igqwetha, kanye loMnu Believe Gaule, isiphathamandla senhlanganiso yedale lephalamende ebona ngokulotshwa kwesisekelo sombuso esitsha eye- COPAC.
UMnu. Gaule usungula lingxoxo ngokusichasisela okwenzakala kuhulumende womanyano ngaloludaba.
