amalinks wokungena

Breaking News

Kambe UKhuphe Labanye Bakhe Bazaxotshwa Yini kuMDC-T Kungedlula Amalanga Ayisikhombisa?


Thokozani Khupe

Kambe uNkosazana Thokozani Khuphe, lenye inkokheli yebandla leMDC-T ebalisa unobhala obona ngokuqoqwa kwenhlelo zebandla, uMnu. Abednico Bhebhe lomgcinisihlalo, uMnu. Lovemore Moyo bazakuya yini eHarare ukuyakhulumisana labanye babo kungakedluli amalanga ayiskhombisa njengalokho okunqunywe lidale le National Council yalelibandla ngoLwesine?

Abadala bathi sizabona okuzawela khona induku loxakuxaku. Ingxabangxoza esebandleni leMDC-T iyaqhubeka kungela sisombululo lona ukhetho seludumela emansumpeni.

NgoLwesine intathelizinsaba ebeziye emhlanganweni weNational Council ziphume zikhala ngokuhlukuluzwa ngabasakhulayo balelibandla asebesazakala ngobudlwangudlwangu emahofisini alelibandla.

Enye yalezintathelizindaba ngosebenzela umsakazo we Al Jazeera, uHaru Mutasa.

Eeloba enkundleni ye Twitter, uthi ukuya emhlanganweni we MDC-T sekusesabisa kulokuya emhlanganweni we Zanu PF.

Inhlanganiso elwela ilungelo lentathelizindaba, eye Mida Zimbabwe ikhuthaze ibandla leMDC-T ukuthi lizinuke amakhwapha kudaba lodlakela.

UKhuphe lenye inkokheli sebeke bathi kabayi eHarare ngenxa yodlakela kulandela ukutshaywa abakwenziwa emngcwabeni kaMnu. Morgan Tsvangirai eBuhera.

Imizamo yokukhulumisana loKhuphe labanye bakhe iyehlule. Kodwa senelise ukuxoxa lesikhulumeli sebandla leli esigabeni sakoBulawayo, uMnu. Felix Magalela Mafa Sibanda othi uKhuphe labanye bakhe bazicithela isikhathi ngoba ubukhosi ngobuka Mnu. Nelson Chamisa.

please wait

No media source currently available

0:00 0:05:25 0:00

Facebook Forum

XS
SM
MD
LG