Ikhomishini ebona ngokulwisana lenkohlakalo, eye Zimbabwe Anti-Corruption Commission (ZACC) ithi isilobelane izivumelwane lengatsha zikahulumende ezithile ezigoqela i Reserve Bank of Zimbabwe, leZimbabwe Revenue Authority (ZIMRA) ukuphathisana lumsebenzi.
Ezinye ingatsha ezikusivumelwano lesi ngeze National Prosecuting Authority, Auditor-General, University of Zimbabwe, Immigration Department, Procurement Regulatory Authority of Zimbabwe, leEzekiel Guti University.
Lokhu kwenzakala i-ZACC isithi isithole impahla ezibiza izigidi ezilikhulu; one hundred million dollars, ezithathelwe abazithola ngenkohlakalo.
Ukuze sicubungule loludaba, sixoxe loMnu. Bekezela Maduma Fuzwayo, olwela ilungelo loluntu.
UMnu. Fuzwayo uthi lanxa kulinyathelo elihle elithethwe yiZACC, kufanele kuqalwe kudingisiswe ngenkohlakalo ekwezinye inhlanganiso ezasebenza lazo.
