amalinks wokungena

Breaking News

Kambe UMnangagwa Uzaphenduka Ejimbile Na eSwizterland?


Umongameli Emmerson Mnangagwa ese mhlanganweni we World Economic Forum (WEF) e Davos, Switzerland.
Umongameli Emmerson Mnangagwa ese mhlanganweni we World Economic Forum (WEF) e Davos, Switzerland.

Umongameli Emmerson Mnangagwa ukhangelelwe ukusuka namhla edolobheni le Davos kwele Switzerland emhlanganweni wezamabhizimusi, owe World Economic Forum, elubhekise ekhaya.

Kambe engaba enelisile na ukuhuga osomabhizmusi ukuthi bazosungula eZimbabwe?

Imbono kaMnangagwa, ebingaba yindlela enhle yokuhuga osomabhizimusi, ibikhaliphile njalo ijulile kodwa uthe ebuzwa ngodaba lwe Gukurahundi, yawucitha uchago ke lapha inkonyane ngoba ehle watshengisa ukungafuni ukuxolisa.

Lokhu kutshiye abanye kade besemhlanganweni lo bebonakala kumabonkaude njengathi sebedanile.

Uthe ebuzwa ukuba engemukela njani umongameli weleMelika, uMnu. Donald Trum osandathuka izwekazi le Africa ngeviki edluleyo, uMnangagwa uthe engaphiwa ithuba lokukhuluma lo Trump uzamnxusa ukuzokwakha amahotela eZimbabwe lendawo zokudlalela igolufu, ayikho adume ngakho uTrump.

Kweokhetho, uMnangagwa uthe nxa enganqotshwa uzamukela impumela.

Kuthi kwenye njalo ingxoxo ayenze lo Richard Quest we CNN, uMnangagwa utshengise ukucunuka lapho abuzwe ukuba abafuna ukuzosungula amabhizimusi eZimbabwe bazakhohlwa njani imbali yelizwe ngoba belingemukeli osomabhizimusi bokuza.

Umthetho wokusungula amabhizimusi yizizalwane zakwamanye amazwe ubusithi abokuza kumele bangabi lezabelo ezedlula isilinganiso samatshumi amahlanu.

Kodwa uMnangagwa uthe ethola intambo zombuso wawuguqula lumthetho wathi ususebenza kulabo abafuna ukwenza umsebenzi wokwemba amatshe aligugu kuphela.

Amazwe omanyano we European Union athi azaqala abone ukuthi ukhetho luzaqhutshwa ngemfanelo na engakaphathisi ilizwe le Zimbabwe.

Ukuhlaziya loludaba sixoxe lengcwethi ecubungula ezelungelo likazulu, uMnu. Bekezela Maduma Fuzwayo

“Singaphongukuthi asazi singathemba njengoba sesisizwa amanye amazwe amakhulu khonangale e Europe ukuthi angathi ayathembisa ukuthi bafuna ukuthi bamuzwe ukuthi umi njani uMnangagwa bangahlanganisa njani laye izinto” kutsho uFuzwayo.

Uthi njengoba inhlanganiso ezifana labo European Union sezisehlisa umoya engxenye kungaba khona abangaphenduka lakho.

Kodwa uFuzwayo uphange wathi okunye okungenza bengaphumeleli liqula elihambe loMnangagwa elibalisa umphathimbo wezemali, uMnu. Patrick Chinamasa, owezobudlelwano lamanye amazwe, uMnu. Sibusiso Moyo labanye elingaso ngcwethi kwezomabhizimusi.

Kutsho uFuzwayo: “Iqula ahambe lelo ungaqathanisa lelekwamanye amazwe. Sithathe njengomzekeliso, ele South Africa limumethe ingcwethi kwezamabhizimusi elethu iqula ligcwele abezombusazwe lengcwethi ezilutshwana labacebisi.”

please wait

No media source currently available

0:00 0:03:27 0:00

XS
SM
MD
LG