amalinks wokungena

Kambe UMnu. Jonathan Moyo Engaba Ese Malawi?

  • Chris Gande

Jonathan Moyo

Oweyengumphathintambo wezemfundo yaphezulu, uMnu. Jonathan Moyo ubikwa engaba ese Malawi.

UMoyo lenye inkokheli yeZanu PF eyayikuxuku elithiwa yi G40, wabaleka elizweni kulandela ukuhluthunwa kwentambo zombuso ngamasotsha ekupheleni komnyaka odluleyo njalo kaziwa ukuthi waya ngaphi.

Kodwa iphephandaba leMalawi i Nyasa Times lithi uselizweni lelo njalo lilengxoxo laye ekhangelelwe ukwethulwa ngoLwesithathu.

Kulemfanekiso yendlu kaMoyo eyakhitshwa enkundleni zokuxhumana ebulenjini etshengisa indlu kaMoyo idatshulwe izivalo kulenhlamvu zombhobho ezikhanya zahlepha umduli zabulala amafasiteli.

IStudio Seven ayenelisanga ukukhulumisana lentathelizindaba zaleliphephandaba ukuzwa okunengi ngaloludaba.

UMoyo, osengohlala esethula imbono yakhe ebulenjini bokuxhumana, iTwitter, ubecatshangelwa ukuthi waphephela eKenya lapho okudabuka khona unkosikazi wakhe kodwa lelo lizwe liyala ukuthi ukhonale.

UMoyo umela iTsholotsho North edale lephalamende Kunjalo nje, uChris Gande weStudio uxoxe lowakhe wasebenza loMoyo kukhetho, uMnu. Believe Gawule embuza ngokwenzakala esigabeni seTsholotsho.

Facebook Forum

XS
SM
MD
LG