Kulandela ukudonselana ubikhosi kwabathathu abosendo lakoKhumalo, uMnu. Bulelani Collins Khumalo, uMnu. Peter Zwidekalanga Khumalo loMnu. Stanely Raphael Khumalo, namhla iStudio Seven isungula ingxoxo eziphathelane lobukhosi bamaNdebele lokuthi ngubani kanti vele omelet abe nguye inkosi uqobo.
Siqala lezingxoxo loMnu. George Mkhwananzi ingcwethi ecubungula ezombusazwe osichasisela ngokuthi isizukulwane seNkosi, uMzilikazi simi njani njalo ngubani okumele abe yinkosi.
"Akumelanga ukuthi kudidanise abantu amakhanda ngoba kusobala ukuthi okumele abe yinkosi yamaNdebele ngulowo okumele aphume kulabo bantwana benkosi uNkosi uLobhengula abadudulwa phakathi kwelizwe ngesikhathi sokucitheka kombuso basiwa ngaphandle kwelizwe ngoba kusesatshelwa ukuthi yibo ababeyaba liziko lapho amaNdebele ayezakotha khona esevuselela amaseko enkosi entsha," kutsho uMkhwananzi.
UMkhwananzi uthi, ngalokho, laba abathi yibo inkosi abafana loMnu. Stanley Raphael Khumalo loZwidekalanga Khumalo kubanzima ukuthi kuthiwe yibo abalobukhosi.
Kusasa kuhlandla lesibili lalingxoxo sizaxoxa loMnu. Greater Greater Sibanda, isikhulumeli seNkosi uMnu. Stanely Raphael Khumalo.