amalinks wokungena

Breaking News

Inengi Lisola Ukubuyiselwa kwabeZimbabwe Abadinga Ubuphepheli EBhilithani


Omela isigodlo seBhilithani eZimbabwe uNkosikazi Catriona Laing uveze lesisinqumo kumsekeli kamongameli welizwe uMnu. Kembo Mohadi ngoLwesibili.

Abalwela amalungelo oluntu bathi basola isinqumo sikahulumende weBhilithani esokubuyisela emuva izizalwane zeZimbabwe ezifika inkulungwane ezimbili lamakhulu amahlanu, 2, 500 ezihleli kulelolizwe ngokungekho emthethweni.

Omela isigodlo seBhilithani eZimbabwe uNkosikazi Catriona Laing ubikwa eveze lesisinqumo kumsekeli kamongameli welizwe uMnu. Kembo Mohadi ngoLwesibili.

UMnu. Mohadi uqonqosele eleBhilithane ukuthi liqale lihlolisise ukuthi ngempela yizizalwane zeZimbabwe ezibuyiselwa ekhaya.

Inengi lezizalwane zeZimbabwe ezihlala ngokungekho emthethweni kweleBhilithani ngezehluleka ukuthola incwadi zobuphepheli, kodwa kaziphindelanga ekhaya.

Kodwa uMnu. Panyika Karimanzira, isiphathamandla senhlanganiso elwela amalungelo oluntu eye Restoration of Human Rights-Zimbabwe, ekweleBhilithane uthi baphikisana lokubanjwa kwabantu ngamandla ukubuyiselwa ekhaya.

uMnu. Karimanzira uthi bonke abantu balelungelo lokudinga ubuphepheli ngomthetho weUniversal Declaration of Human Rights.

Ingxoxo LoMnu. Panyika Karimanzira
please wait

No media source currently available

0:00 0:02:24 0:00

Facebook Forum

XS
SM
MD
LG