Umphathintambo wezabatsha lezokuthuthukiswa kwenotho kazulu uMnu. Saviour Kasukuwere uthi amankampani emazweni emba okutshiyeneyo eZimbabwe angafuni ukwabela abansundu amashares kumele avale abanikazi babuyele lapho abadabuka khona.
UMnu. Kasukuwere ubikwa ethi amankampani la akade kumele aqalise kulinyanga ukwabela abansundu amashares edlula okungaba yisilinganiso sokungamatshumi amahlanu ekhulwini akafuni ukulandela imithetho yelizwe.
Uthi amankampani la azathathwa ngabansundu nxa engavala. Uphinde wathi akulandaba angaze avale ngoba kulamankampani akwele China lela Mandiya afuna ukuvula amafekithali eZimbabwe.
Abaqondisi bamankampani la bayalile ukukhuluma ngalokhu besithi basakhulumisana lohulumende ngohlelo lwe indigenization.
Ingcwethi kwezenotho uMnu. Walter Nsununguli Mbongolwane uthi okukhulunywa nguMnu. Kasukuwere kutshengisa ukuthi ibandla le ZANU PF seliphelelwe zindlela zokudinga abalandeli.
