amalinks wokungena

Breaking News

Kayithengiswe Impahla ye Air Zimbabwe Kubhadalwe Izisebenzi - High COurt


Umthethwandaba we High Court usunike izisebenzi ze Air Zimbabwe ilungelo lokuthengisa impahla ye nkampani le ebanjwe yisithunywa somthethwandaba nyakenye.

Imali ezatholakala lapho ikhangelelwe ukubhadala izisebenzi zaleyo nkampani ezingatholanga iholo eleneleyo lama allowances ngomnyaka ka 2009.

Umahluli walelidale eHarare uJustice Andrew Mutema unike isithunywa somthethwandaba ilungelo lokuthengisa amabhasi lezimota ezitshiyeneyo ezingafika phose amatshumi amabili, izigayo, umtshina wokuchola lokuqondisa insimbi, ama computers lokunye okutshiyeneyo.

Izisebenzi zise udaba lolu eHigh Court sezehlulekile ukubhadalwa inkulungwane ezingamakhulu amane zamadola eMelika.

Ingcwethi kwezemithetho uMnu. Matshobana Ncube uthi impahla le ilakho ukuthengiswa lanxa nje iAir Zimbabwe inganqabela lokhu ngokudinga imali yokubhadala isikwelede sezisebenzi.

XS
SM
MD
LG