amalinks wokungena

Breaking News

Nkosikazi Mugabe: Kazizethatha Amagrocery Intathelizindaba ngoLwesine


Unkosikazi Grace Mugabe

Umkamongameli weZimbabwe uNkosikazi Grace Mugabe unxuse intathelizindaba zamaphephandaba lezemisakazo etshiyeneyo elizxweni ukuthi zizethatha ukudla lama-groceries emzini wakhe oweState House eHarare, ngoLwesine.

UNkosikazi Mugabe, yena ohamba esipha abasekeli bebandla leZanu PF ukudla, impahla zokugqoka lokunye emihlanganweni ayenzayo endaweni ezehlukeneyo zelizwe, ubethembise ngempelaviki ukuthi intathelizindaba lazo uzazidingela ukudla, eke wasola ezinye zazo ukuthi ziloba amanga ikakhulu lezo ezisebenzela inhlanganiso zezindaba ezingayisizo zikahulumende.

Intathelizindaba ezinengi zitshayelwe ucingo ngoLwesithathu yihofisi kamkamongameli weZimbabwe, uNkosikazi Mugabe zisaziswa ukuthi zizethatha ama-groceries ezawathenjiswayo.

Enye yentatheli lezi engathandanga ukubethwa ngegama itshele iStudio 7 ukuthi le kungaba kuyimizamo kaNkosikazi Mugabe yokudinga usekelo kuntathelizindaba ukuthi zilobe kuhle ngaye.

XS
SM
MD
LG