amalinks wokungena

Breaking News

Kambe Amazwi kaKibaki Abeqophe UMugabe Na?

  • Chris Gande

Obengumongameli weKenya uMnu. Mwai Kibaki utshele inkokheli yeAfrica esikhulile ukuthi kayitshiyele abasese lamandla wokuqhuba umsebenzi

Obengumongameli weKenya uMnu. Mwai Kibaki usetshele inkokheli yamazwe awezwekazi le Africa esikhulile ukuthi kayitshiyele abasese lamandla wokuqhuba lumsebenzi.

UKibaki wethule lamazwi ngolweSibili emkhosini wokugcotshwa kosanda kukhethwa ukuba ngumongameli walelolizwe, uMnu. Uhuru Kenyatta.

UMugabe, oleminyaka engamatshumi athoba munwe munye lasitshiya galo lunye-89 ubengomunye wenkokheli zamazwe ezwekazi le Africa ezedlula itshumi ebezikulumkhosi ezibalisa uMongameli Jacob Zuma wakwele South Africa, uMongameli Yoweri Museveni wakwele Uganda loMongameli Paul Kagame wakwele Rwanda.

UMugabe lebandla leZANU PF bajabulele ukunqoba kuka Kenyatta kukhetho olusanda qutshwa kwele Kenya ngoba enqobe uMnu. Raila Odinga ongumngane omkhulu kaMnu. Morgan Tsvangirai inhloko kahulumende umkhokheli welinye lamacele eMDC.

Ingcwethi ecubungula ezombusazwe, uMnu. George Mkhwananzi utshele uChris Gande we Studio Seven ukuthi amazwi kaKibaki abengawokududuza uzulu weKenya hatshi ukuthuka uMugabe.

please wait

No media source currently available

0:00 0:01:59 0:00
Lapho esitholakala khona
XS
SM
MD
LG