amalinks wokungena

Breaking News

Kirsty Coventry: Abadlali Beqembu leZimbabwe Gems Bazayithola Imali Abayithenjiswa Nguhulumende


Kirsty Coventry, Africa’s most decorated Olympian is now Zimbabwe’s minister of sports and youths, Harare, Sept. 10, 2018.
Kirsty Coventry, Africa’s most decorated Olympian is now Zimbabwe’s minister of sports and youths, Harare, Sept. 10, 2018.

Umphathintambo wogatsha lwezemidlalo uKirsty Coventry uthi abadlali beqembu elimela ele Zimbabwe emdlalweni webhola elokuqaga elabomama lizathola imali eliyithenjiswe nguhulumende ngemva kokuphatheka kumidlalo eyokudinga intshantshu zasemhlabeni jikelele.

Iqembu labesifazane elimela ilizwe le Zimbabwe emdlalweni webhola lokuqaga lithe ngokudlala kuhle elikwenze kumncintiswano wezizwe zomhlaba oqhutshelwe kwele Bhilithane emaviki ayedluleyo lathenjiswa inkulungwane ezingamatshumi amabili nguhulumende kodwa lalamhla lokhu bengakayitholi.

Ekhuluma lentathelizindaba ngesikhathi evakatshela indawo okuqhutshelwa khona ezemidlalo edolobheni lako Bulawayo uCoventry uthe leyomali sebezaqala ukuyithola abeqembu lama Gems.

“Kumele ukuthi ngabe sebabhadalwa kodwa inkinga yikuba imali okumele bayiphiwe yimali eyayidingwe liqula elabunjwa ngesikhathi kudingelwa iqembu lama Warriors imali eyokuthi liyephatheka kumncintiswano we Afcon.
“Bekusahlolisiswa ukuba leyomali yasentshenziswa ngemfanelo yini phambilini kokuthi ibuyiselwe kuMongameli welizwe onguye osezakupha ama Gems.”

Iqembu lama Gems liphutshe lisendaweni yesitshiyagalo mbili phakathi kwamaqembu alitshumi lesithupha khonale kwele Ngilandi.
Sikhangele umdlalo wenguqu: Imidlalo yesigaba weCastle Lager Premier Soccer League ingena kuviki eyamatshumi amabili lanye kulimpelaviki njalo amaqembu azadlala ngokulandelayo.

NgoMgqibelo iqembu leBulawayo Chiefs lizemukela eleCAPS United enkundleni ye Luveve.
Ngase Mandava kulomdlalo ogobhozisa amathe ophakathi kweqembu eliphakamise isicoco nyakenye ele FC Platinum kanye lele Chicken Inn.
Komunye umdlalo wangoMgqibelo Iqembu le Dynamos lizadlala lele TelOne ngase Rufaro.

NgeSonto iqembu leChapungu lizadibana lele Triangle ngase Ascot, iqembu leManica Diamonds lizadlala lele Hwange ngase Vengere, iqembu le Black Rhinos lizangqikilana lele Harare City ngase National Sports Stadium, iqembu leNgezi Platinum Stars lizadlala lele Herentals ngase Baobab kuthi iqembu le Highlanders lizadlala lele Mushowani Stars enkundleni ye Barbourfields.

Iqembu leBosso liqhuba nzima kulezinsuku njalo umgcinisihlalo walo uKenneth Mhlophe wethule umbiko esithi abaqeqetshi balo abakhokhelwa nguMandla Mpofu baphiwe imidlalo emithathu ukuba banqobe kuyo ukuze bagcine umsebenzi.

Udaba Esilethulelwe NguJoseph Njanji
please wait

No media source currently available

0:00 0:02:11 0:00

XS
SM
MD
LG