amalinks wokungena

Kambe iMDC-T Izaphathisa Ibandla LikaMujuru Kukhetho LweBikita West Na?

  • Chris Gande

UMnu. Morgan Tsvangirai eloNkosikazi Joice Mujuru

Ibandla leZimbabwe People First lithi likhangelele ukuthi umongameli webandla le MDC-T, uMnu. Morgan Tsvangirai, ezobambisana loNkosikazi Joice Mujuru emhlanganweni wokudinga usekelo phambilini kokhetho lwe Bikita olokudinga ozamela lesis’igaba edale lephalamende.

Isikhulumeli sebandla leMDC-T, uMnu. Obert Gutu, utshele iStudio 7 ukuthi uMnu. Tsvangirai nguye yedwa owaphiwa umlandu wokukhulumisana lamanye amabandla ngenjongo yokusebenzelana.

Imizamo yokukhuluma loTsvangirai yehlule ngoba elokhu eseGhana lapho anxuswa khona emkhosini wokugcotshwa kukamongameli omutsha.

Abanye abasekeli beMDC-T babikwa bacunulwa yimbiko kaMnu. Temba Mliswa owaphathiswa libandla leMDC-T kukhetho lwe Norton kodwa ngemva kokunqoba wathi uzingobele yedwa kungelani lokwenziwa yilelibandla.

Isikhulumeli sebandla le ZimPF, uMnu. Methuseli Moyo, utshele iStudio 7 ukuthi balethemba lokuthi bazanqoba kukhetho lwe Bikita.

"Ibandla lethu lele MDC-T kuliqiniso ukuthi silemicabango yokusebenzelana kukhetho. Lokhu esikuzwa emaphephandabeni asikwazi thina," kutsho uMoyo.

XS
SM
MD
LG