Kubekwa uMnu. Esaph Mdlongwa Omunye Wabasungula i-MDC Otshone ngoLwesithathu

Omunye wabasungula ibandla leMDC uMnu. Esaph Mdlongwa obhubhe ngoLwesithathu ubekiwe ngoMgqibelo edolobheni lakoBulawayo lapho avaleliswe ngumdeni wakhe, izihlobo, abasebenza laye, amalunga ebandla lakhe, labanye

Umkhokheli webandla leMDC-T uNkosazana Thokozani Khuphe kanye loweMDC Alliance uMnu. Nelson Chamisa labanye bebekhona kulumbuthano.

Umdeni kamufi uthe kufanele kube labantu abalihlekana esebekwa, ukwenzela ukulandela iziqondiso zokuvikela ukumemetheka kwegcikwane lecovid 19, njalo mhlawumbe inengi lizanxuswa emthandazweni wesikhumbuzo sakhe, kusiya ngokuthi umumo usunjani.

Umufi wayengunobhala jikelele wakuqala kubandla leMDC lisamanyane, njalo ubesengomunye wabadala abaxwayisayo kubandla leMDC Alliance; ama elders ngesiNgisi.

Wake wamela isigaba seLuveve-Pumula edale lephalamende, njalo abasebenza laye bathi ngumuntu obelungile obesebenza kuhle labanye.

Okunengi ngesimo kanye lembali kamufi, asikuzweni kungxoxo esiyiqhube loMnu. Felix Magalela Mafa, umsekeli wesikhulumeli seMDC Alliance.

Embed share

Ingxoxo loMnu. Felix Magalela Mafa

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:34 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala