Kubhubhe oyedwa ngeCovid-19 eZimbabwe izolo njalo kwatholakala abangamatshumi amabili lambili belomkhuhlane lo.
Lokhu kukhweze inani lasebebulewe yilumkhuhlane selokhe ufike kulelilizwe nyakenye laya kunkulungwane elamakhulu edlula amahlanu, 1,557, kuthi asebetholakele belawo bakhwele baya kunkulungwane ezingamatshumi phose amane, 38,086.
Ugatsha lwezempilakahle luthi abahlatshwe ijekiseni yakuqala yokwenqabela lumkhuhlane izolo bazinkulungwane ezedlula kancane itshumi lambili, 12,112, njalo abahlatshwe eyesibili bangamakhulu phose ayisithupha, 5,807.
Inani lasebehlatshwe ijekiseni yakuqala kuphela selifike kunkulungwane ezingamakhulu amathathu alamatshumi phose amane, 336,600.
Asebehlatshwe eyesibili njalo ingeyokucina sebezinkulungwane ezingamatshumi edlula amahlanu, 53,418.