amalinks wokungena

Breaking News

Kubotshwa Ilunga leMthwakazi Party Elifuna Kuqhatshwe Abantu Abadabuka eMatabeleland


UMnu. Venat Mayor Ncube.

Annastacia Ndlovu

Amapholisa koBulawayo ngoLwesine abophe ilunga lebandla leMthwakazi Republic Party balikhulula ngemva kokulihlawulisa imali kulandela ukutshengisela kwalo endaweni okuzakhiwa khona isilindo samabhasi kanye alamavinkili amakhulu ebizwa ngokuthi yiEgodini Mall.

UMnu. Vanet Mayor Ncube uthi kumele kuqhatshwe izizalwane zeMaNdebeleni ekwakhiweni kwale indawo hatshi abantwana abasuka kwezinye izabelo zelizwe.

UNcube ukhululwe kulandela ukuhlawuliswa amatshumi amabili amadola ngamapholisa.

Inkampani yeTerracotta eyakhe Egodini ithe kayiboni ukuthi uNcube angetheswa icala.

UMongameli weMthwakazi Republic Party, uMnu. Mqondisi Moyo, uthe kuyadanisa ukuba amapholisa achitha isikhathi ebophana labantu betshengisela ngendlela evunyelwa yisisekelo sombuso welizwe.

Ukubotshwa mahlayana kwamalunga amabandla ezombusazwe sokusolwe kabanzi ngesikhathi ilizwe lilungiselela ukhetho oluqakathekileyo oluzakwenziwa lonyaka.

Udabe Esilethulelwe NguAnnastacia Ndlovu
please wait

No media source currently available

0:00 0:04:18 0:00

Facebook Forum

XS
SM
MD
LG