amalinks wokungena

Breaking News

Kubotshwa Intathelizindaba Ezintathu eRusape


MDC-T

Ukutshengisela kade kuqoqwe libandla le MDC-T edolobheni le Rusape akusaphumelelanga ngemva kokuba amapholisa ethuele kakubi amalunga aleli bandla kusukisela ngoLwesine lapho uMnu. Tazviona Marima atshaywe kakubi lokuvalelwa yena eze enkambeni lencwadi yokucela imvumo yokutshengisela nje kuphela.

Isiphathamandla lesi seMDC-T esigabeni se Manicaland, simiswe phambi komthethwandaba ngoLwesihlanu sisetheswa icala lokutshotshozela udlakela.

Uthe ethonisiswa uMarima kwaqhamuka udlakela ngemva kokuba ethulelwe isinqumo sokuthi ahlawule amadollar alikhulu-$100 yesibambiso eye bail, abantu abakade bekhona bekhonona ukuthi bekungamelanga ajeziswe ngoba engadalanga cala, kungasikwephula umthetho ukuzocela imvumo yokutshengisela.

Kulaphoke okutshaywe abanye abantu abanye babotshwa abagoqela lentathelizindaba ezintathu. Intathelizindaba ezibotshiweyo zibalisa uSydney Saize osebenza ezimele, u Benard Chiketo oweDaily News lo Kenneth Nyangani oweNewsday.

Kusenjalo, umkhokheli webandla le MDC-T, uMnu. Morgan Tsangirai ngoLwesihlanu ubikwa ubeko Bulawayo eye kwethekelela emzini kamuyi uMnu. Thamsanqa Mahlangu ngemva kokwehluleka kwakhe ukuya khona kumaviki amabili edluleyo lapho uMahlangu engcwatshwa ngoba kwasokuqhamuke ukungezwani phakathi kwemuli kamuyi.

XS
SM
MD
LG