amalinks wokungena

Breaking News

Zibhaxabulwe Kakubi Zabotshwa Izifundi


Esinye sezifundi esitshaywe ngamapholisa
Esinye sezifundi esitshaywe ngamapholisa

Kubotshwe izifundi ezingamatshumi amabili lanye zabhaxabulwa kakubi ngamapholisa zitshengisela ezitaladeni zeHarare zikhonona ngembadalo yemfundo yamakolitshi zisithi iphezulu kakhulu.

Umkhokheli wenhlanganiso yezifundi iZinasu, uMnu Gilbert Mutubuki uthi izifundi lezi bezijonge ukuyakwethula izikhalazo zazo edale lephalamende.

Uthi batshaywe kakubi ngamapholisa lanxa bebewazisile ngohlelo lwabo ngaphambilini.

Ukubotshwa lokutshaywa kwabafundi lokhu, inengi kungabesizana, kuza ngemva kokubotshwa lokutshaywa njalo kwabasakukhayo bebandla leMDC-T abangamatshumi amathathu lanhlanu ngoLwesine.

Abanye babasakhulayo laba bakhululwe bengetheswanga cala ngoLwesihlanu kwasala abalitshumi lantathu, njalo bakhangelelwe ukumiswa emthethwandaba ngoMgqibelo.

Abanengi basole ukutshaywa lokubotshwa kwabafundi besithi ukuhlala kwabo phansi ngesikhathi belandwa ngamapholisa bekuyisibonelo sokuba bebengahlose ukulwisana lamapholisa.

UMnu Mlondolozi Ndlovu, ongomunye wababone izifundi lei zibotshwa, usole kakhulu amapholisa.

Uthe kungumlandu kahulumende ukufundisa abezomvikela phezu kokulondolozwa lokuhlonitshwa kwamalungelo oluntu.

Abenhlanganiso elwela amalungelo oluntu iZimbabwe Human Rights Association (ZimRights) labo baveze ukukhathazeka ngokubotshwa kwezifundi lezi.

Udaba lokutshaywa kwezifundi zeZinasu zitshengisela
please wait

No media source currently available

0:00 0:03:00 0:00
Lapho esitholakala khona

XS
SM
MD
LG