amalinks wokungena

Breaking News

Kubotshwe Amalunga eMDC Alliance Alitshumi Lambili eChinhoyi


MDC Alliance supporters

Ibandla leMDC Alliance lithi amasotsha abehlomile lamapholisa abophe iziphathamandla zalo ezilitshumi lambili ebezihlangene emahofisini alo eChinhoyi ngoMgqibelo ziqoqa umngcwabo welinye ilunga lalelibandla.

Obona ngokuqhutshwa kwenhlelo zeMDC Alliance kulumango uMnu Blessing Mandava uthe lanxa bebelokhe begciniwe ngabomthetho laba, bekungakabi lecala asebelethesiwe ekutshoneni kwelanga.

Isiphathamandla samapholisa eMashonaland West uMargret Chitove utshele iStudio 7 ukuthi ubengazi lutho ngokubotshwa kwabantu laba.

Kunakanelwa ukuthi bengaba besetheswa icala lokwephula iziqondiso zokwenqabela ukumemetheka komkhuhlane weCovid-19.

I-MDC Alliance isole kakhulu uhulumende ngokulondoloza iziqondiso lezi ibandlulula.

Ithi kuyamangalisa ukuthi kubotshwe amalunga ayo alitshumi lambili kuphela kodwa uNkosikazi Auxillia Mnangagwa ehlanganise abantu abedlula amatshumi amathathu eChinhoyi ngoLwesihlanu emcimbini obuphathelane lezokudla kodwa wangabotshwa.

Facebook Forum

XS
SM
MD
LG