amalinks wokungena

Breaking News

Kudingakala iR50,000 Yokungcwaba Izidumbu Esezitholakele Emgodini weRoodport


Roodport Mine
Lokhu zihlengwa izidumbu emgodini wegolide ongasasebenzi kwele South Africa edolobheni le Roodport lapho okucatshangelwa ukuthi kufele abantu abangafika ikhulu abahitshwa yintuthu eletshefu, iCarbon Monoxide.

Uhulumende wakwele South Africa lowe Zimbabwe kabaphathisi kusehlakalo lesi esesitshiye abantu mathupha besebenzisa intambo lamasaka ukuhlenga lezi zidumbu.
Inengi lalabantu badabuka kwele Zimbabwe. NgoLwesine besekukhitshwe izidumbu ezilitshumi lane, kuthi ngoLwesihlanu bekukhangelelwe ukukhitshwa ezinye njalo ezilitshumi kusiya tshona ilanga.

Inani eliqondileyo lbantu abafela emgodini lo kalaziwa ngoba umgodi lo ubikwa umkhulu okwesabekayo.

UChris Gande weStudio Seven uxoxe lomnumzaba Ray Mdlongwa olilunga lebandla leZapu eliphathisa ukuhlenga lezi zidumbu.

UMdlongwa uthi ihofisi yommeli weZimbabwe kwele South Africa laloba ibithembise ukuncedisa ngendleko yokungcwaba abafileyo kayikakwenzi lokhu. Kulezo zidumbu ezingamatshumi amabili lantathu esezitholakele, osokumele zibekwe kubikwa sokudingakala inkulungwane ezingamatshumi amahlanu lantathu zamaRands-R50,000 yendleko yomngcwabo.
XS
SM
MD
LG