amalinks wokungena

Kudutshulwa Abanye Abantu Amalunga eTajamuka Etshengisela Ezitaladini eHarare

  • Chris Gande

Intathelizindaba, uMugove Tafirenyika, olimele ekutshengiseleni.

Kulabantu abathathu, ababalisa intathelizindaba ezimbili zeDaily News, abalimele ekutshengiseleni okwenzakale eHarare ngoLwesihlanu kulandela ukusilela kwemali emabhanga.

Lokhu kutshengisela bekuqoqwe yinhlanganiso ye Tajamuka Sesijikile Campaign lenhlanganiso yababalisi abasemaphandleni eye Rural Teachers of Zimbabwe.

Ezinye izitolo zivaliwe ekuseni kulandela imbiko yokuthi kuzakuba lokutshengisela okuphiwe igama lokuthi Izikhwama Phandle.

Kubikwa kukhale imibhobho edutshulwe ngamapholisa lanxa kungazakali ukuthi bangaki abatshaywe zinhlamvu. Intathelizindaba ezilimeleyo nguMugove Tafirenyika lo Brighton Goko.

UTafirenyika uthe uzwe kudubuka emoteni yamapholisa wezwa esewela phansi waqaleka wathi ephaphama wavuka esopha ekhanda.

Imitshina yakhe yokusebenzisa ebalisa owokuthatha imfanekiso, ibikwa inyamalele.

Sixoxe lesiphathamandla se Tajamuka Sesijikile, uMnu. Gift Siziba, obesekutshengiseleni lokhu, othe lanxa ubengakezwa ukuthi kulababotshiweyo kodwa uthi bakhona abalimeleyo kakhulu.

“Vele asibuyeli emuva ngoba udubo lokusilela kwemali luyaqhubekela phambili ... Nxa lusiya phambili lathi siyaphambili ngokutshengisela,” kutsho uSiziba.

Facebook Forum

XS
SM
MD
LG