amalinks wokungena

Breaking News

Kufe Ababili ngeCovid-19 koBulawayo Izolo


Coronavirus, Zimbabwe

Idolobho lakoBulawayo liqhubeka likhokhela ngenani lababulawa ngumkhuhlane weCovid-19 kulezinsuku kulandela ukubhubha kwabantu ababili kulelidolobho izolo.

Ugatsha lwezempilakahle luthi phakathi kwabalitshumi lanhlanu ababanjwe lumkhuhlane izolo njalo, abalitshumi lanye ngabakoBulawayo.

Kulababili beMasvingo, oyedwa oweMidlands lomunye njalo oweManicaland. Abafunyanwe sebesilile balitshumi lambili.

Asebebanjwe umkhuhlane lo selokhu waqhamukayo kuleli sebezinkulungwane ezedlula eziyisitshiyangalombili, 8389.

Asebesilile sebezinkulungwane phose eziyisitshiyangalombili, 7939, kuthi asebefile sebengamakhulu amabili alamatshumi amane lanhlanu, 245.

Lokhu kutsho ukuthi abalokhu begula bangamakhulu amabili lanhlanu, 205.

Sokulamaviki edlula amathathu idolobho lakoBulawayo kuyilo elihamba phambili ngenani lababanjwa iCovid-19 lababulawa yilumkhuhlane.

Umsekeli kameya walelidolobho uMnu Mlandu Ncube utshele iStudio 7 ukuthi njengekhansili, bakhathazekile kakhulu ngalokhu.

please wait

No media source currently available

0:00 0:01:47 0:00

Facebook Forum

XS
SM
MD
LG