amalinks wokungena

Breaking News

Kuhlandla Lesibili Lengxoxo Yobandlululo Lwe Tribalism Sixoxa loMqondisi Moyo we MRP


Umnumzana Mqondisi Moyo umkhokheli webandla leMthwakazi Republic Party
Umnumzana Mqondisi Moyo umkhokheli webandla leMthwakazi Republic Party

Namuhla kuhlandla lethu lesibili lohlelo lweviki yonke lapho esixoxa khona ngodaba lobandlulo ngemihlobo, itribalism, sixoxa lomkhokheli webandla leMthwakazi Republic Party, uMnu. Mqondisi Moyo abayibo asebephothulule linsindabayitshiye yendaba.

“Indaba ye tribalism, ulunyo lonke phezu kwethu inzima ngoba abantu bempumalanga basenza ulunya phezu kwethu ngenxa yogwalo lwabo i 1979 Grand Plan eyakubeka sobala ukuthi nxa ilizwe lingathathwa abantu beSindebeleni bazaphathwa njani,” kutsho uMoyo.

Uthi lokhu kufakazwa ngokuthi kungaze kube ngaphi, emapholiseni, ezitolo, ezikolo loba kwezamabhizimusi abagcweleyo ngabentshonalanga.

UMoyo uthi ukuphela kobandlululo yikuthi uhulumende avume ukuthi labeSindebeleni labo ngabantu abalelungelo lokusebenza, ikakhulu ezigabeni zabo.

Uthi umnotho welizwe usezigabeni zeMandebeleni.

UMoyo uthi bakhona abavela ezigabeni zeMandebeleni labo abayake besenze kwezinye izigaba kodwa bayazibeka bengabi lobudlwangudlwangu.

Thiyani indlebe njalo kusasa lapho esizaxoxa khona lengcwethi ecubungula ezomnotho, umnu. Masimba kuchera ngalodaba lobandlululo.

“Abafiki batshengise ubu Ndbele babo, bafika behloniphe ukuthi basendaweni yabanye abantu bakhulume lolimi lwesiShona,” kutsho uMoyo.

XS
SM
MD
LG