amalinks wokungena

Breaking News

Kuhlelo Diaspora Profile Liviki Sixoxa loMnu. Babusi Nyoni oweNkampani eye Sila Health


Umnmzana Babusi Nyoni ngomunye wabasungula inkampani eyeSila Health.(Umfanekiso uthethwe nguNicole Olwagen

Kuhlelo lwethu lapho esikhangela okwenziwa ngabadabuka eZimbabwe asebehlala kwamanye amazwe, kuliviki, uPraxedes Jeremiah weStudio 7 uthole ithuba lokuxoxa losakhulayo umnumzana Babusi Nyoni. Yenake udabuka koBulawayo kodwa usehlala kwele Netherlands.

UNyoni uchasisa ngenkampani ayisungula yena labanye bakhe, eminyakeni emibili edluleyo, emayelana lomsebenzi wokuphathisa abadabuka eZimbabwe abasemazweni atsiyeneyo omhlaba, ukuhlawulela indleko yokwelaphisa abemuli abasekhaya, ebizwa ngokuthi yiSila Health. Kukuleyo nkampani abasungula uhlelo olwehlukaniswe ngezigaba, ezingaba ngeziyisithupha abalubiza ngokuthi yiHealth Pass.

“Phansi kwamaPlan lawa, abadala ekhaya balakho ukuthola usizo lokuzohlolwa ngodokotela labongi bababhalele lemithi okumele iyethengwa kumavinkili athengisa imithi amaPharmacy. Nxa kudingeka ukuthi baye ezibhedlela ezinye zezinhlelo zethu zicover lokuthwalwa besiwa ezibhedlela loba ukuyabona odokotela,” kutsho uNyoni.

Uqhubeke ethi uNyoni kulabo abafuna ukungena kunhlelo zabo ziqalisela kumadollar alitshumi eMelika($9,99) ngenyanga, kulolo abalubiza ngokuthi yiLite Cover, olwesibili luthiwa Junior care, oluqondane lokunakekela abantwana, olubiza amadollar eMelika angamatshumi amabili($19.99) ngenyanga. kuzoba lolwe Prime cover, olubiza amatshumi amane amadollar eMelika($39.99) ngenyanga lezinye.

“Ngokucela kwamalunga ekuqhamukeni kobhubhane lweCoronavirus, nyakenye sakubona kufanele uusungula uhlelo lokuphathisa labo abayabe behlelwe ludubo lokuhlaselwa ngabemuli yileli gcikwane, olwe Covid -19 Crisis Care Package,” kutsho uNyoni.

Lilakho ukuxhumana labo ebulenjini ku www.https://sila.health/care

Ingxoxo loMnu. Babusi Nyoni oweSila Health abalohlelo lwe Health Pass
please wait

No media source currently available

0:00 0:04:32 0:00

Facebook Forum

XS
SM
MD
LG