Ibandla le Mthwakazi Republic Party selihlele ugwalo olulotshwe amagama zinkulungwane ezingamatshumi amabili zabantu-20,000 lwesicelo sePetition eliqoqa ukuyakwethulela uhulumende ngenjongo yokusungula inkulumo yokuthi abakulumhlubulo babiselwe isigodlo sikaMthwakazi.
Umkhokheli we MRP, uMnunzana Mqondisi Moyo, uthi ababuyeli emuva ngodaba lolu ngoba ukuba phansi kombuso munye oweZimbabwe ababoni kubasebenzela njengesizwe sikaMthwakazi.
UMoyo uthi inane labaselobe amagama kulolu gwalo lwePetition libapha idlabuzane lokuyamelana lohulumende ukuthi alalele udaba lwabo.
Ibandla leMRP lithi sekuyisikhathi sokuba uhulumende alalele okufunwa ngumuntu wonke weZimbabwe ngoba ngulo lalo kungakhathelekile ukuthi ngowasiphi isigaba selizwe usekhathele ngombuso okhona.
UMoyo ukhuthaze uhulumende ukuba ayeke ukulwisana labantu abatshengiselayo adinge ukukhulumisana labo ngezikhalazo abalazo.
