Idale lomthethwandaba ophezulu ele high court eHarare ngoLwesine lidlulisele phambili isinqumo sokuthi intathelizindaha uHopewell Chinono akhululwe na kumbe hatshi ngemali yesibambiso ese bail kucala aletheswayo elokethula imbiko engasiqiniso.
Lokhu kutsho ukuthi uzaqhubeka ehleli entolongweni ngesikhathi igqwetha lakhe uMnu. Harrison Nkomo lisithi umantshi uMnu. Lazini Ncube waphazamisa ngokumenqabela ukuhlawula i- bail.
Ngakwelinye icele abaqhuba imicimbi yokuzithokozisa ama DJ amathathu Fantan, Levels loDamma, ababotshwa besetheswa icala lokungalandeli iziqondiso zokwenqabela ukumemetheka kwegcikwane leCoronavirus bakhululwe namuhla ngemali yesbambiso eye bail.
Lokhu kwenzakala ibandla leMDC Alliance kanye labalwela ilungelo loluntu besithi abantu baphonguhlukuluzwa nguhulumende ngokubotshwa mahlayana.
Okunengi ngaloludaba, kanye labanye ababotshiweyo, asikuzweni kungcoco uSithandekile Mhlanga weStudio 7 ayiqhube lomsekeli wesikhulumeli sebandla leMDC Alliance, uMnu. Felix Magalela Mafa.
