WASHINGTON DC —
Ugatsha lwezempilakahle luthi kulabantu abane ababanjwe umkhuhlane weyiCovid-19 eZimbabwe izolo loyedwa kuphela otholakale esesindile.
Abantu asebehlaselwe yilumkhuhlane selokhu waqhamukayo kuleli sebezinkulungwane phose eziyisitshiyangalombili, 7919, kuthi asebesindile sebezinkulungwane eziyisithupha ezilamakhulu phose amahlanu, 6441.
Abalokhu begula bedlula inkulungwane eyodwa, 1249, kuthi asebefile bona balokhu bangamakhulu amabili lamatshumi phose amathathu, 229.
Isibhedlela seJohns Hopkins University sithi emhlabeni jikelele umkhuhlane lo usubulele abantu abedlula isigidi, 1,052,247, njalo wabamba abedlula izigidi ezingamatshumi amathathu lanhlanu, 35,984,455.