amalinks wokungena

Breaking News

'Kasifuni Ukuthi uMongameli Theodoro Obiang Nguema Mbasogo Abuye eZimbabwe'


UMongameli Teodoro Obiang Nguema, January 3, 2017. (Facebook / Teodoro Obiang Nguema)

Kulabantu abathandabuza ukuthi uMongameli Teodoro Obiang Nguema Mbasogo wakwele Equatorial Guinea, owethekelela eleZimbabwe, uzanceda ilizwe leli njengoba eselesikhathi ebusa elizweni lakhe.

Abasola ukuza kwakhe kwele Zimbabwe bathi umbuso wakhe kawuthakazelelwa ngabantu bonke kwele Equatorial Guinea.

Useleminyaka engamatshumi amathathu lasitshiyagalolunye ebusa eleEquatorial Guinea.

Omunye osola ukuza kwakhe kwele Zimbabwe nguNkosazana Rebecca Dube othi akumelanga ilizwe leZimbabwe libelobudlelwano lamazwe anjengelika Mbasogo.

“Ngibona engani kuyinto enhle eceleni lokuthi ilizwe lethu liyakha ubudlelwano lamanye amazwe kukanti-ke ngelinyicele kufuze siqaphele ngoba umongameli weEquatorial Guinea usele 39 years ebusa. Asobantu mhlawumbe esingabe sifuna ukudlelana labo ngoba kabahloniphi idemocracy.”

Lokhu kusekelwe nguMnu. Sikhosana Sibanda, ingcwethi kwezombusazwe, othi kuyayangisa ukuthi ilizwe leZimbabwe lidlelane lamazwe anjenge leEquitorial Guinea elibuswa ngocuku nguMbasogo.

“Okwakhathesi ilizwe lethu likhangelele ukuya kukhetho, yikho okwenza ukuza kwabantu abanjengo Mbasogo kungathi kubi. Ngabantu asebebuse isikhathi eside njalo awungeke uthembe ukuthi balenjongo ezinhle. Mhlawumbe bazoxoxa indlela zokuqila kukhetho. Kungasenani, ngelinyicele mhlawumbe yindlela yokuxhumana lamanye amazwe njengoba sesilomongameli omutsha.”

Kodwa-ke osakhulayo, uMalvin Ncube, uthi ukuza kwabakhokheli bamanye amazwe eZimbabwe kuyisibonelo esihle ngoba belakho ukuletha ibhizimusi edingakalayo ukulungisisa umnotho welizwe osuguqe phansi ngamadolo.

“Ukuza kwabantu abanengi kwelakuleli kungani kuyinto enhle ngoba kuvula amthuba athile azakwenza ilizwe lethu lenelise ukuthola impumelelo kumnotho walo. Zisasenengi izinto esisafuna zenzakale kwelakuleli ngakho-ke ukuza kwamanye amazwe kuyinto enhle.”

UMnu. Mbosogo ukhangelelwe ukuhlangana lowayengumongameli, uMnu Robert Mugabe, kusasa kuhambo lwakhe lolu.

UMugabe loMbosogo babelobungane obuqinileyo okwesikhathi eside kusukela ngesikhathi uMugabe avimba ngaso indizamtshina yakwele Bhilithani eyayilubhekise kwele Equatorial Guinea ijonge ukuyahlasela lelozwe.

Udaba Esilethulelwe NguGibson Bhebhe
please wait

No media source currently available

0:00 0:02:55 0:00

Facebook Forum

XS
SM
MD
LG