WASHINGTON DC —
Kubhubhe izizalwane zeZimbabwe ezine eLimpopo, kweleSouth Africa, ngoMvulo ngemva kokubhewuka kwebhasi ebithwele amalunga esonto yeApostolic Faith Mission of Africa.
Amapholisa akulelolizwe athi libhasi ibivela eZimbabwe, endaweni angayiqambanga isiya eGauteng Province.
Abalimeleyo babikwa bengamatshumi amahlanu lambili, 52, njalo bahanjiswe ezibhedlela ezitshiyeneyo ePolokwane.
Ibhase le ngeyenkampani yeRegional Premium Class Luxury Coaches. Amapholisa athi umtshayeli ubegijima okwedlulise amalawulo.
Athi libhasi imphunyukile ezandleni lumtshayeli yaphuma emgwaqweni yayatshayelela ku-pole lamagetsi yasibhewuka.