amalinks wokungena

Breaking News

Kulifaka Esimeni Esihle Iqembu leChicken Inn Ngokunqoba eleMamelodi Sundowns


Umqeqeshi weChicken Inn uJoey Antipas

Umqeqetshi weqembu lomdlalo wenguqu ele Chicken Inn uJoey Antipas utshayele ihlombe abafana bakhe ngemva kokunqoba abakwenze iqembu le Mamelodi Sundowns elase South Africa ngoMgqibelo emdlalweni wokudinga intshantshu zezwekazi lase Africa.

Iqembu lenguqu eleMamelodi Sundowns lakwele South Africa
Iqembu lenguqu eleMamelodi Sundowns lakwele South Africa

Ekhuluma lentathelizindaba ekupheleni komdlalo wangoMgqibelo wona ophele iqembu le Chicken Inn linqobe ele Mamelodi Sundowns nge 1 ka nya, umqeqetshi weqembu le Chicken Inn uJoey Antipas uthi lokhu bakwenelise ngoba abadlali bakhe belandele konke abakade bekutsheliwe ukuba bakwenze enkundleni.

"Ngiyathokoza ngempumela yomdlalo njalo ngiyazigqaja ngabafana bami ngoba bedlale ngendlela ebesifuna bedlale ngayo. Yimpumela enhle kakhulu leyi kuqembu lethu.

Iqembu lenguqu ele Chicken Inn
Iqembu lenguqu ele Chicken Inn

Abafana be Chicken Inn bavale ngebhetshu kusukela umdlalo uqala waze wafika komlindi uyacina njalo uAntipas uthi ulethemba lokuba bazakwenza okufanayo kumdlalo wehlandla lesibili ozadlalelelwa eSouth Africa ngemva kweviki ezimbili.

Abafana be Chicken Inn kumele befike bevale njalo isango labo bengahlohlwa ngoba bengakwenelisa lokhu bazabe sebezadlulela kusigaba esilandelayo esomncintiswano.

Iqembu leChicken Inn lidlala leleMamelodi Sundowns lakwele South Africa
Iqembu leChicken Inn lidlala leleMamelodi Sundowns lakwele South Africa

Ukwenelisa ukuvikela isango kuhlandla lakuqala kubafaka esimeni esihle abeqembu le Chicken Inn ngoba umklomelo ohlohlwa liqembu elidlala lingekho ngakibo ubalwa kabili nxa sezithe zaba ngutshiki lobhanqa.

Emdlalweni womncintiswano we CAF Confederations Cup iqembu le Harare City linqobe ele AS Adema elase Madagascar nge 3 ka 2 esigodlweni iHarare.

Limpumela itshiye iqembu le Harare City lilomthwalo onzima owokudlulela kusigaba esilandelayo ngoba nxa iqembu lezivakatshi lingenelisa ukuthola umklomelo owodwa kungela mpendulo selingakibo imiklomelo yalo eliyihlohle eZimbabwe iyabalwa kabili.

...........................................

Sikhangele umdlalo kakhilikithi.

Iqembu elizamela ilizwe kumncintiswano wezizwe zomhlaba owohlobo lwe Twenty20 likhethwe ngempelaviki edluleyo njalo lilabadlali abalitshumi lanhlanu.

Abadlali laba ngabagoqela ukaputeni weqembu uHamilton Masakadza, uSean Williams, uTendai Chatara, uWellington Masakadza, uTinashe Panyangara, uPeter Moor, uElton Chigumbura, uSikandar Raza, uRichmond Mutumbami, uLuke Jongwe, uTendai Chisoro, uNeville Madziva, uMalcom Waller, uVusi Sibanda kanye lo Graeme Cremer. Umdlali ongangenela omunye oyabe engasenelisi ukwala elokhu eyingxenye yaleliqembu nguDonald Tiripano.

Iqembu leKhilikithi ele Zimbabwe
Iqembu leKhilikithi ele Zimbabwe

Umncintiswano wezizwe zomhlaba uzadlalelwa elizweni le India ngenyanga ezayo njalo iqembu le Zimbabwe likhangelelwe ukuphakama ensukwini ezizayo lilubhekise eUnited Arab Emirates ukuyadlala imidlalo yobungane lingakadluleli kwele India.

Udaba lwezemidlalo -ukunqotshwa kweqembu leMamelodi Sundowns ngele Chicken Inn
please wait

No media source currently available

0:00 0:02:35 0:00
Lapho esitholakala khona

XS
SM
MD
LG