amalinks wokungena

Breaking News

Kulotshelwana Isivumelwano seCode of Conduct Kunkulumo zePolitical Actors Dialogue


Umongameli Emmerson Mnangagwa

Amabandla ezombusazwe aselobelane isivumelwano esicanda indlela yokusebenzelana ndawonye eseCode of Conduct emkhosini wokusungula uhlelo lokukhulumisana olwePolitical Actors Dialogue eHarare namuhla.

Amabandla ezombusazwe aselobelane isivumelwano esicanda indlela yokusebenzelana ndawonye eseCode of Conduct emkhosini wokusungula uhlelo lokukhulumisana olwePolitical Actors Dialogue eHarare ngoLwesihlanu.

Umongameli Emmerson Mnangagwa ugcizelele kulumhlangano ukuthi uyalalela amacebo avela kwabanye awokuthuthukisa umnotho welizwe.

Umeli wesigodlo seSouth Africa eZimbabwe uMnu. Mphakama Mbete unike isixwayiso sokuthi kube lomlamlankunzi ongasekeli uhlangatho kulezi inkulumo.

Ezinye iziphathamandla zamabandla ehlukeneyo ezikhulume kulumhlangano zigcizelela ukuqakatheka kokukhulumisana zibalisa uMnu. Brian Mteki, uNkosazana Thokozani Khuphe weMDC-T, uMnu. Lovemore Madhuku weNational Constitutional Assembly, kanye loNkosikazi Lucia Matibenga wePeople’s Democratic Party, ekumanyano wePeople's Rainbow Coalition, labanye.

Ezinye iziphathamandla zenhlanganiso ezitshiyeneyo, ezigoqela umkhokheli wekhomithi yeNational Peace and Reconciliation uMnu. Sello Nare, lazo zethule imbiko yazo kulumhlangano.

Isikhulumeli seMDC uMnu. Jacob Mafume utshele iStudio 7 ukuthi ibandla lakhe aliphathekanga kulumhlangano njengenjayelo ngoba kufanele umongameli Mnangagwa akhulume eqondane lalo, njengoba kuyilo elathola usekelo olunengi kukhetho olwedluleyo.

UMnu. Chamisa waloba iziqondiso afuna zilandelwe kulezinkulumo, ezigoqela ukuthi kube lomlamlankunzi ongasekeli uhlangothi.

Amanye amabandla aphuma kulumhlangano abalisa iBuild Zimbabwe Alliance ekhokhelwa nguMnu. Noah Manyika, iAlliance for the People’s Agenda kaMnu. Nkosana Moyo, kanye loMnu. Daniel Shumba oweUnited Democratic Alliance.

UNkosikazi Lucia Matibenga uqala ngokuchasisa akwethulele lumhlangano, lapho athe kufanele abantu bengagxili kukhetho olwedluleyo kodwa bedinge amacebo okuthuthukisa umnotho welizwe.

please wait

No media source currently available

0:00 0:03:00 0:00

Facebook Forum

XS
SM
MD
LG